کندین مشکلاتی

بو کند چوخ مشکللرینن ئوزبه ئوزدور.اولاردان عن مهمی کوچ وایشسیزلیک و محصولون ساتیلماماسی و کندلی لرین سرمایاسینین آزلیغی و ........سایماخ اولار.بو کندین باغلارین مسئولییتسیز خودپسند پوللولارکند لیلرین پولسوزلوغوندان سوء استفاده ایدره ک ساتین آلیب ئوز لرینین لاابالی حیاتلارین سوردورمک اوچون ویلایا چه ویریللر. بو آرادا هم اکین یئرلری آرادان گئدیرهم کشاورزی ضربه گورور هم ده یاشاییش آلانلاری تخریب اولدوغونا گوره یاشام فلاکتینه یول آچیلیر.اوبیری یاندان باخاندا ایشسیزلییه ده سبب اولور .موندان بئله کشاورزی و جنگلها و مراتع و منابع طبیعی آدلی بی مسئولیت ارگانلار چون ئوزلری ده بو قماشدان دیلار بونا گوزلرین یوموب جینقیرلاریندا چیخارتمیرلارکی هیچ بلکه ده بو ایشین گناهکارلاریندندیلار.قدیم بوردا ایکی دییرمان واریدی سو ایله ایشلردی کندین بیر صفاسی واریدی گئچن 40 ایلین ایچینده ایله سرعتینن محیط تخریب اولوب و اقلیم دییشیکلیگی اولوبکی کندین چشمه لری ایستی سوی چای سویو هامی سی چکیلیب یوخ اولوب ایله بی کی هیچ اولدن یوخوموش.ایندی مین مصیبتینن کندلیلر سیللی ایلن ئوز قیزاردیر اونودا بئله دییاخ خرابکار پوللولار قویمور دولت ده ئوزون بیلمه مزلیگه وورور.صاباح گوره جاغیق کی دسته دسته کندلیلر شهره کوچور و اکین آلانلاریدا دولتلیلرین کئفخاناسینا چه وریلیب.
بو بارهده حاج عبدالله مکاری و باشقالارینین دردلرینه قولاغ آساندا آدامین ئوره یی شیشیر!!!!.
همسایا کندلرین وضعی مونداندا پیسدیر.دیزه نین دیم یئرلرین تعاونی طللاب و روحانییون آدلی بیر زمینخوار دسته  کندلیلرین پولسوزلوغوندان فایدالانیب دگر دگمزینه اللریندن چیخاردیر  گویا اوردا ویلاشهر یا باغ شهر تیکه جاخلار .بی دییه ن یوخدی بیر بیله سهند و صوفیان نا مرغوب چوللری قورتولوب گلیرسیز اکین یرلرین ویران قویوسوز؟آخی بو کندلیلر صاباح نه ایش گوره جاخلار؟دسته دسته تبریزه تهرانا کوچنده کئفیزی سوروشاجاغام.امکاناتی عادلانه بولمک یئرینه هامیسین بویوک شهرلره ئوزوده نورچشمی شهرلره ییغاندا بیردن آییلیب گورهر سن بیر دلی شهر تیکیلیب ئوجی بوجاغی بللی دگییل.ایندی گل بو هرتی شهرین خرابکارلیخلارین ییغیشدیر
هامیمیز بیلیریک کی بویوک شهرلرین نه قدر هر باخیمدان گندی وار .
بونون چاره سی کارخانالاری تیکنده بالا یئرلره یایماخ و زمین خوارلاری و ویللا چیلارا ترمز ووروب اکین یئرلرینین تخریبینین قاباغین آلماخ و کوچون سرعتین آزالتماخدیر.بو ایشلرین نتیجه سی او اولاجاخکی صاباح بیگانه لره ال اوزادار و یالواریب محصوللارین آلاجاغیق اولاجاغیخ عربستان سعودی. الله او گونو گوسترمه سین!!!!  آمین
بیراز بولاری باره سینده فیکیرلشنده آدامین باغری چاتلاییر مثلا 20 ایل سورایا دوشوننده. 

بو کند قدیملر چوخ کیچیک اولوب و گئچیمین زور اولدوغونا گوره کوچوب گیدیردیلر آما یوخاریدا سویله دیگیمیز کیمی وضعیت یاخشیلاشاندان سورا یرلشدیلر و کندین رونقی آرتدی.
ینی ایللرین شهرلرین گنیشلنمسی و عمومی تفریح مانلارینین اولمادیغینا گوره و اداره کل منابع طبیعی نین ضعیف عمل ایتمه سیینه گوره پوللو لار کندلی لرین کاسیبلیخ و احتیاجیندان سوء استفاده ایده ره ک اونلارین یئرلرین الیندن چیخاردیب ویلا تیکمگه باشلادیلار کی بونون نتیجه سینده هم اکین یئرلری تخریب اولوب هم چای قیراغی آغاجلیقلار آرادان گیتدی چایین حریمی قورونمادی .بو آرادا کندلی لرین قیصصا گوروشلری ده قوصورسوز دگیل چون صاباحی گورموللر!ادار کشاورزی و منابع طبیعی و دیگر استان مسئوللاری تصمیم دوتموشدولارکی چایین حریمین آچالار آمما هانی گونی گوندن آرتیق چایین حریمینده تیکینتیلر اولور چای بوغولور .ایندی یازیق شهرلی ده آللهدان بیر گون اوغورلاییب چیخیر لیوان چاییندا بیر آرام نفس چکسین گلیر هارا باخیر دیوارلارلا هورولوب محصره اولونوب کیمین زمیسینه گیریر گلیب ساواشیرلار یادا مونون گزمه سی خینووایا دونور .چایین قیراغیدا دوشه ماخ ایسته سه آلتی متر انینده بیر دار داشلخ یول گورور کی هیچ اوردان یئریمک ممکن دگیل هاندا قالسین دوشه مک! هله محیط زیستین خرابلانماسی و باغلارین کورلانماسی کندلیلرین ایشسیز قالماسی بیر یانا ایندی بو شهر کاسیبینین عقده سی آجیغی کیمدن چیخاجاخ آلله بیلیر!!!!

حاج عبدال بیر کند دیر کی سهندین اتگینده تبریزین گونی دوغوسونداباسمنجدان هربیه ساری گیدنده یولون ساغیندا میرزه نو سیرا داغلارینین یاماجیندا تیکیلیباسلام انقلابیندان اونجه چوخ کیچیک بیر یرلشیم یئری اولسادا ایندی بیراز چوخالیب ایره لی گیدیب جمعیتی یاری اوخوموش و اکینچیلیک مالدارلیق و باشقاال ایشلری ایله اوغراشیرلار.بیرازی دا شهرده ادارهلر ده و اوزل پیشه لرده مشغولدورلار.قدیم ایللرده سولاری بول اولدوغونا گوره فلاحت و اکین یاخشی دورومدا ایدی آما سونراکی ایللرده تبریزین سو اداره سی درین قویو لار قازماغا باشلادیقدان سورا چشمه لری قورودی و ایستی سو چکیلیب کندلیلر زور دورومدا قالدیلار.چاره سیز اوزلری کندین گونی بولگه سینده قویو قازدیریب سورونلارین حل ایتمگه چالیشدیلار.